శ్రీవారి భక్తులకు గుడ్ న్యూస్.. టీటీడీ చైర్మన్ కీలక ప్రకటన

కరోనా వైరస్ తీవ్రంగా వ్యాప్తి చెందుతున్న తరుణంలో ప్రజలందరూ ఇళ్లకే పరిమితమైన నేపథ్యంలో తిరుమల తిరుపతి దేవాస్థానం (టీటీడీ) చైర్మన్‌ వైవీ సుబ్బారెడ్డి ఓ గుడ్ న్యూస్ చెప్పారు. ప్రస్తుతం లాక్‌డౌన్‌ కొనసాగుతున్నందున భక్తుల కోసం వేద పారాయణం లైవ్‌ టెలికాస్ట్‌ చేయిస్తున్నట్లు వెల్లడించారు. ఈ మేరకు శనివారం ఆయన మీడియాతో మాట్లాడుతూ.. కేంద్ర, రాష్ట్ర ప్రభుత్వాల ఆదేశాల మేరకే శ్రీవేంకటేశ్వర స్వామి దర్శనాలు నిలిపివేశామని తెలిపారు. కరోనా కష్టాలను తొలగించాలని ధన్వంతరి యాగం నిర్వహించినట్లు చెప్పారు.అలాగే గడిచిన వందేళ్లలో ఎప్పుడూ శ్రీవారి ఆలయాన్ని ఇన్ని రోజులు మూయలేదని టీటీడీ చైర్మన్ సుబ్బారెడ్డి చెప్పారు. దాదాపు 45 రోజులుగా శ్రీవారి దర్శనాలు నిలిపివేశామన్నారు. అలాగే రాబోయే బ్రహ్మోత్సవాలకు ఎక్కువ సంఖ్యలో భక్తులకు అనుతించే అవకాశం లేదని స్పష్టం చేశారు. అలాగే వైకుంఠ క్యూ కాంప్లేక్స్‌ల్లో మార్పులు చేపడుతున్నట్లు తెలిపారు. భవిష్యత్తులో భక్తులకు ఇబ్బందులు లేకుండా చర్యలు చేపడుతున్నట్లు చెప్పారు.

అన్నప్రసాదం ద్వారా రోజుకు దాదాపు 1.20 లక్షల మందికి భోజనం అందిస్తున్నట్లు టీటీడీ చైర్మన్ సుబ్బారెడ్డి వెల్లడించారు. ఇక టీటీడీ గోశాల నుంచి ప్రశుగ్రాసం అందిస్తున్నామని, దేవాలయాల్లో కైంకర్యాలు అన్నీ యథావిధిగా జరుగుతాయని తెలిపారు. అలాగే ప్రతి రోజు శ్రీవారి కల్యాణోత్సవం నిరవ్వహిస్తున్నట్లు చెప్పారు. కాగా, కరోనాపై సోషల్‌ మీడియాలో వచ్చే దుష్ప్రచారాలను ఎవరూ నమ్మొద్దని వైవీ పిలుపునిచ్చారు.